اولا:- فية قانون فى الدواجن اسمة All in – All out
يعنى لازم دخول كل القطيع وخروج كل القطيع مع بعضه.
* طيب تعالى نشوف تعدد الاعمار و تعدد مصادر الكتكوت بتعمل اية من الناحية الصحية؟
الامراض الفيروسية اللي بنحصن ضدها خلال الدورة بتتاثر بالمناعة الامية ،طيب فى حالة تعدد الاعمار او تعدد مصادر الكتكوت فى مزرعة واحدة بيكون المناعة الامية متفاوتة جدا بشكل غير متوقع !!!؟
وطبعا لما حضرتك بتيجى تحصن التحصينة الاولى من اى مرض فالافراد اللى مناعة امة منخفضة بيكون الاستفادة من التحصين عالية والعكس فالافراد اللى مناعة امة عالية( كتكوت بشاير) بيكون الاستفادة من التحصينة منخفض علشان كدا في البشاير ممكن ناخر التحصين عن الطبيعي علشان ميحصلش تعارض مع المناعة الأمية .
وهنا بنسمية الجيب المناعى او pocket immunty
وعلشان كدا لو اى قطيع بيكون متعدد الاعمار او مختلف المصادر وبيجيلة #جمبورو بيكون خسايرة عالية وبيكون منحنى النافق بياخد اقصى مدة ممكنة 🙄
طبعا اللى بيصاب بيكون الافراد اللى فى قمة الجيب المناعى لانها اقل مناعة ولانها كانت اكثر مناعة امية
نقيس على موضوع المناعة الامية دا او حالة الام اى شى تانى فلو جالك قطيع من اكثر من ام او اكثر من مصدر تاكد ان حتى وانت بتعالج مشكلة معينة فى اول العمر هتلاقى الاستجابة للعلاج مختلفة فى نفس القطيع
طيب فية مشكلة تانية خاصة بانك تسكن من اكثر من مصدر او اكثر من عمر للام فى نفس العنبر
وهى التفاوت فى احجام الكتكوت حتى لو التفاوت دا مش ملاحظ بالعين المجردة
فيكون النتيجة وجود فراخ او كتاكيت بحجم اقل وهتكون مظلومة فى كل حاجة من علف او مية و دول اللي اي مرض بيحصل بيبدا بيهم.
اما عن تعدد الاعمار فى نفس المزرعة مش نفس العنبر بيكون خطورتها فى ان برنامج التحصين هيكون مختلف فى التوقيت يعنى هتكون المزرعة باستمرار تحت تاثير تحصينات من رد فعل يخرج من عنبر للعنبر الاخر
او مرض بمجرد ما يشفى منة العنبر يروح للعنبر التانى
الخلاصة حاول بقدر المستطاع ان يكون عنبرك او مزرعتك عمر واحد
او اضعفهم مصدر واحد ….!
منقول عن م محمد سعد – Mohamed Saad
